Korrika 19

Euskahaldun jam session-a, Bergaran

Euskararen Egunean egin zuten saioa (Argazkia: Miguel Altuna)

Euskahaldun jam session-a egingo dute Bergaran, martxoaren 12an, Irizar jauregian, 20:30ean. Musika entzutearekin batera, artistek euskararekin duten harremana noizkoa eta nolakoa den azalduko dute.

Shane-ek (Irlandarra) gitarra jo eta abestu egingo du, Guillek (Madrildarra) kaxa joko du eta Laiak (Kataluiniarra) musikak momentuan iradokitzen diona margotuz inprobisatuko du. Margolariaren erakargarritasuna ez dago margolanari lotuta soilik, baizik eta margotzeko erak ere asko harrituko du ikuslea (gorputz guztia mugituz margotzen du, bi eskuekin batera...). Ikuskizunean zehar, hiru edo lau kantuz behin, euskalakari batek beraien jatorriari, euskararekiko harremanari eta bestelako gaiei buruzko galderak egingo dizkie.