Fly Shit ala Mahaster River taldeetan ala Azkaiter Pelox alter egoarekin, besteak beste, makina bat agertokira igo da Bergarako musikaria azken urteetan; urtean 50 kontzertu egiten ditu bergararrak. 2004tik gaur arte, ibilbide hori guztia jaso du ikus-entzunezkoan eta martxoaren 14an aurkeztuko du, Laino skate-parkean, 19:30ean.
Bidaietan eta kontzertuetan jasotako irudiekin eta askotariko proiektuetan alboan izandako kolaboratzaile eta musikariei eginiko elkarrizketekin osatu du 29 minutuko dokumentala. Besteak beste, Fly Shitekin Katalunian egindako bira, Mahaster Riverrekin Eskozian jotako kontzertuak ala Azkair Pelox gisa Irlandan Hudson Taylor musikari ezagunarekin egindako kolaborazioak jaso dira lanean.
Azkaiter Pelox, 11 urte zuzenean dokumentalaren proiekzioaren ostean, 22:30ean, jam sesioa egingo du Azkaratek lagunekin.
