Tapoi-fest jaialdia, inoizko jendetsuena

Amaia Txintxurreta Guridi 2015ko mar. 1a, 16:37
Madrilgo Accidente taldea, gaztetxean kontzertua eskaintzen.

Txapa irratiko Jar Itzazu Tapoiak Mesedez! irratsaioak laugarren urtez antolatu du Tapoi-fest jaialdia eta inoiz baino jende gehiago egon da egubakoitzean eta zapatuan egin ziren ekintzetan. Egubakoitzean lau taldek eskaini zuten kontzertua gaztetxean, tartean, Aretxabaleta eta Arrasateko taldekideek osatzen duten Drop! taldeak, eta taldeko gitarristaren azken kontzertua izan zenez, emanaldi hunkigarria izan zen. Zapatuko kontzertuetan, 120 lagun inguru elkartu ziren.

Jaialdiaren laugarren edizioaren balorazio positiboa egin dute antolatzaileek. Egubakoitzean jende dezente izan zen Bergarako gaztetxean, tartean, arrasatear ugari izan ziren Drop! taldeko gitarristaren azken kontzertua izan zelako egubakoitzekoa. Talde horrez gain, Hilkar, Ernia eta Meltdown taldeek ere emanaldiak egin zituzten gaztetxean, eta DJ Balzarekin eman zioten amaiera egubakoitzeko festari. 

Zapatuan, berriz, Tomar el escenario dokumentalaren proiekzioa eta hizketaldia egin zuten eta hogei lagun inguru elkartu ziren.

Gauean, berriz, aurreikusita zegoen Managaitz taldearen kontzertua bertan behera gelditu zen taldearen arazo pertsonalengatik, baina, hala ere, festa giroa ez zen falta izan. Gaztetxean jo zuten Sofa, Accidente eta Perras Salvajes taldeek. Madrileko taldeak diren Accidente eta Perras Salvajes taldeek jende ugari erakarri zuten, eta 120 bat lagun izan ziren kontzertua ikusten. Iruñako DJs Pantxiñon ta Romanorekin goizeko ordu txikiak arte luzatu zen festa.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak