LABek gehiengoa lortu du udaleko hauteskundeetan

Leire Kortabarria 2015ko ots. 25a, 18:15

Udaleko langileek hauteskunde sindikalak egin dituzte, eta LABek atera du gehiengoa.: 69 bozka eta zortzi ordezkari. Bigarren ESK izan da: 34 boto eta lau ordezkari; eta hirugarren, ELA: 17 boto eta bi ordezkari. 184 langile ditu Bergarako Udalak.

Martitzenean egin zituzten hauteskunde sindikalak. 184 langile horietatik asko behin-behinekoak dira.

Hiru mahaietan banatuta egiten dira hauteskundeak udalean: alde batetik laboralak bi kolegioetan banatuta, espezialistak eta teknikoak eta bestalde funtzionarioen mahaia. Guztira 14 delegatu aukeratzen
dira: zazpi, laboral espezialistetan; bi, laboral teknikoetan; eta bost, funtzionarioetan.

LAB izan da hiru mahaietan hautagaitza aurkeztu duen sindikatu bakarra. Beste biak, ESK eta ELA, bi mahaitan aurkeztu dira soilik: ESK laboraletan, bai espezialista zein teknikoetan; eta ELA,
funtzionario eta laboral espezialistetan.

184 langiletatik 131k eman dute bozka, beraz parte-hartzea %71,2koa izan da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak