Aretoa beteta, memoriaren betebeharraz eta eskubideaz jardun du Paco Etxeberriak

Bergarako Lokarriren gonbidapenak bete egin zuen udaletxeko osoko bilkuren aretoa atzo iluntzean. Memoria historikoaren osaketan autoritatea da Euskal Herrian Paco Etxeberria. 80ko hamarkadatik hona, gertutik aztertu eta jaso ditu ehunka kasu. Atzoko berbaldian memoriaren betebehar eta eskubideaz jardun zuen eta, hain zuzen, Torturaren Aurkako Nazioarteko Egunarekin bat eginez, testigantzak jasotzeko egiten diharduten lana azaldu zuen.

Euskal Herrian eta Espainian polizia-etxe, auzitegi eta eraikin ofizialetan egindako torturen soka luzea aspalditik dihardu jarraitzen Paco Etxeberriak. Bai lanbideak aginduta, auzitegi-mediku bezala, eta baita azken urteetan eta batez ere Jaurlaritzaren eta Euskal Herriko Unibertsitatearen barruan, egiten diharduen lanak eskatuta. Torturaz gaur egun "askatasun handiagoarekin" egin daitekeela berba dio Etxeberriak eta nabarmena iruditzen zaio azken urteetan, hala gizarteak entzuteko nola torturatuek kontatzeko, egin den irekidura urratsa. Bergaran, memoriaz, bakeaz eta elkarbizitzaz Lokarrik antolatutako saioan hartu zuen parte atzo.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.