"Ez dugu obra osoa abestuko, oso luzea delako. Ordubete inguruko aukeraketa egin dugu. Hori bai, piezarik ezagunenak daude tartean; besteak beste, Aleluia", esan du orfeoiko kide Karlos Etxanizek.
Lau bakarlari
Bergarako Orfeoiari laguntzeko ganbera orkestra bat osatu dute inguruko musikariekin. Gainera, lau bakarlari egongo dira kontzertuan: Nere Ibarra sopranoa, Oihana Diaz kontraltoa, Gorka Unamuno tenorea eta Karlos Etxaniz baxua. "Obra sinfoniko koral ezagunenetarikoa da eta gogor egin dugu lana. Halako erronkak oso politak dira, baina lan handia eskatzen dute", esan du Karlos Etxanizek.
Berogailua
Kontzerturako sarrerak 10 euro ordaindu behar dira, eta jasotako dirua San Pedron dagoen organoa konpontzeko bideratuko dute.
Antolatzaileek azpimarratu dute berogailuak ipiniko dituztela parrokian, herritarrak epel egon daitezen.