Helduentzako proposamenak
Askotariko aukerak izango dituzte nagusiek. Martxanteren eskutik autodefentsa feminista ikastaroa egongo da. Ekintza lasaiagoak nahi dituztenek Baga, Biga, Higa: euskarazko musikaren transmisioa eta sustapena hitzaldia izango dute 29an; eta 30ean, Gozoa, gazia eta antsietatea hitzaldi makrobiotikoa. Zineak ere tartea izango du.
Gaztetxoek euren tokia
Gabonetako ekitaldi zerrenda luzea atzean utzi eta gero, haurrek urtarrilean zehar euren tokia izango dute. Bihar, Zabalotegi aretoan urteko lehen DJ jaialdia egingo dute, eta, Amaia DJren eskutik, erritmo dantzagarrienak entzun eta dantzatuko dituzte, 18:30ean hasita.
Hilaren 18an, Zabalotegik, dantzaleku izateari utzi, eta herriko Taun-Taun taldearen Txio-txioka antzezlana hartuko du. 18:00etan, txotxongiloen bidez fantasiaz beteriko istorio bat ezagutuko dute 4 eta 8 urte bitarteko umeek, eta sarrerak 4 euro balioko du.
Horrez gain, urtarrilaren 25ean, gaztetxoek lehenbizi Cómo entrenar a tu dragón 2 eta gero Guardianes de la galaxia filmak ikusteko aukera izango dute, biak Zabalotegi aretoan.
Eguraldiari aurre egin eta urtea kalean hasteko moduko hilabetea prestatu du Udaleko Kultura Sailak.