Candy enpresako langileek manifestazio egin zuten atzo, aslehena, Bergarako kaleetan. Ordurako amaituta zegoen langileen ordezkariek zuzendaritzarekin izandako bilera. Lau orduko bileraren ostean akordiorik gabe altxatu ziren mahaitik. "Zuzendaritza egindako proposamena guztiz onartezina da guretzako", azaldu du ESK sindikatuko ordezkari Ramon Romerok. "Gaur elkartuko gara, berriz, 11:00etan. Jakingo dugu enpresak langileek egindako proposamena onartzen duen ala ez".
Romerok azaldu duenez muga oso ezberdinak dituzte zuzendaritzak eta langile taldeak. "Nire ustez gaur hurbiltze urrats garrantzitsua eman daiteke. Bidearen erdia eginda dagoela esango nuke", esan du Romerok.
