San Lorentzoko biribilgunearen zebrabidea gurutzatzen zihoala, Eibartik zetorren autobus batek gizonezko bat harrapatu du 08:00ak pasata zirenean. Bergarako Udaltzaingoak jakinarazitakoaren arabera, baina, gizonak ez du konorterik galdu eta buruan kolpe "txiki" bat zuela eraman dute Arrasateko ospitalera.
Halako kasuetan ohi denez, atestatua zabalduko dute orain, eta autobus gidariari alkohol eta estupefaziente frogak egingo dizkiote.
Gaurko eguraldiak zaildu egiten du gidatzea, euriak errepidea labainkor jartzeaz gainera, ibilgailuetako kristalak lurrundu egiten direlako eta ikusgaitasuna txikitu. Badirudi azken hori izan dela autobus gidariak gizonezkoa ez ikustearen arrazoia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.