Lehen txapelketa izan da hau?
Aurretik herri mailako beste lehiaketa batzuetan izan naiz, baina maila honetan aurreneko aldiz hartu dut parte.
Estreinaldi bikaina!
Halaxe izan da, bai. Ez nuen horrelako emaitzarik espero, baina sorpresa polita izan da.
Bergarar bat azpeitiar batekin jotzen, nolatan?
Irakasleen kontu bat izan zen. Eneko Arbeok pandero bat behar zuen, eta, nire irakaslea azpeitiarra denez, harremanetan jarri gintuen. Elkarrekin jotzen dugun bigarren urtea da, eta gurasoek egiten duten taxilari lanari esker da hori.
Saria zurea da, baina Arbeok ere bere partetxoa izango du, ezta?
Bikote bat garen heinean, akatsak eta sariak bionak dira. Panderoa trikitirik gabe ez da ezer, eta kontrara ere berdin.
