Programa eta hautagaitzak osatzen joateko batzar irekia egingo du Bergarako EHBilduk zapatuan

Jon Berezibar 2014ko abe. 11a, 08:51

Batzar irekia egingo du Bergarako EHBilduk hala nahi duten herritarrekin hauteskunde programa eta hautagaiak zehaztu bidean. Aranzadi ikastolan, zapatuan 10:00etan, elkartuko dira "herritarrei hitza eman" eta "herri-programa herritarrekin batera" osatu asmoz. Hauteskundeetara begirako erabakigune nagusia batzarrok izango direla dio Bergarako EHBilduk.

Bergararen diagnosia egin eta udalerako zinegotzien zein alkatearen hautagaitzak osatzeko saio irekia izango da etzikoa. Gainera, "jendetsua" izango dela aurreikusten dute Bergarako EHBildutik, konfirmazio ugari jaso du-eta jada. Hala, "EHBilduren programa herritarrek egindako programa" izango dela diote, "hasieratik bukaerara, puntuz puntu" eta "talde eta egitura guztietan herritarrek parte hartzeko aukera" dutela, "nahi duten konpromisoaren arabera" eta, hain zuzen, zapatukoaren moduko batzar irekiak izango direla programa eta hautagaiak erabakitzeko "gune nagusiak".

Haurtzaindegi zerbitzua izango da bertan, behar dutenentzat, eta kafea eta pastak banatuko dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak