Eguaztenean egingo da Kafekonponen azken saioa

Kafekonpon ekimenaren azken saioa abenduaren 10ean, eguaztenean, egingo da. Gabonetako arbolaren argiak ez dabiltzala? Gabonetako bazkari-afariak prestatzeko irabiagailua ez dabilela? Haurrei ganbaran daukazun jostailu berezi hori konpondu eta oparitu nahi diezula? Eguaztenean 16:00etan Kafekonponen izango duzue aukera.  San Joxepe elkarteko lehen pisuan batuko dira  kafe goxoa hartuz eta askotariko konponketak denen artean egiteko asmoz.