Zapatu ugaritan Zabalotegi dantzaleku bihurtu eta gero, bihar ko saioarekin agurtuko dira aurtengo DJ jaialdiak. Bihar, zapatua, 18:30ean hasiko da festa, eta gaztetxoek euren gustuko abestiekin disfrutatu ahal izango dute.
Azken saio horretan, Humberto DJa izango da musika jartzen, eta, euskal abestiez gain, bestelako kantuak ere entzun ahal izango dira. Beti bezala, gaztetxoek eurek nahi dituzten abestiak eskatu ahal izango dituzte, eta Humberto DJak haien eskariak beteko ditu.
Gaztetxoek doinu dantzagarriekin ondo pasatzeko aukera izango dute. Betiko moduan, dantza egin, elkarrekin egon eta giro sanoan ondo pasatzeko aukera ezin hobea izango da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.