Tailerrak doakoak izango dira eta 9etatik 13:00etarako tartean eskainiko dira. Plazak mugatuak dira eta izen-ematea abenduaren 9an hasiko da. Parte hartzeko interesa duenak mezu bat bidal dezake martxanterak@gmail.com helbide elektronikora edota 620 41 69 36 telefonora dei dezake.
NOKA talde feministako kide Pili Alvarez Molesek dinamizatuko dituen tailerren bitartez gai ugari landuko dira: rolak, egunerokotasuneko eraso sexistak, erasoekiko prebentzio jarrerak, autoestimua eta teknika fisikoak, maitasun erromantikoa...
Garrantzitsua da aipatzea edozein adineko emakumezkoei zuzendutako tailerrak direla; izan ere, konfiantza hartzeko, gaietan sakontzeko, eztabaidatzeko, esperientziak elkartrukatzeko, norbere burua ezagutzeko… aukera eskainiko dute.