Gari Lopez de Munain Bergarako bertso txapelketako finalerako lehen sailkatua

Gari Lopez de Munain bertsotan eta gainerako lehiakideak inguruan.

Egubakoitz iluntzean jokatu zuten Arranon Bergarako bertso txapelketako lehen kanporaketa eta lau bertsolari elkartu ziren nor baino nor. Koplabarik bertso eskolakoek antolatu dute eta hain zuzen irakasle lanetan jarduten duen Gari Lopez de Munain nagusitu zen lehen kanporaketan.

Kanporaketa irabazi eta finalerako sailkatu zen. Haren atzetik geratu ziren: Eñaut Uriarte, Unai Arantzabal eta Jon Patxi Aiastui.

Bigarren kanporaketa abenduaren 12an izango da Pol Pol tabernan eta finala hilaren 28an, Kortazarren. Kanporaketetako irabazleak zuzenean sailkatuko dira eta gainerako bi finalistak puntuazioaren arabera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.