Antxintxika Egunean 3.549 euro batu zituzten Dordokarendako

Hilaren 2an ospatu zuten Antxintxika Eguna, eta krosarekin batera Dordoka taldeari diruz laguntzeko jaialdia egin zuten arratsaldean, frontoian. Bada, Porrotxekin eta Ane Piratarekin batera Bergarako hainbat taldek dantzan jarri zituzten frontoira gerturatu zirenak –bete egin zen pilotalekua. Jaialdi arrakastatsua izan zen, eta 3.549 euro batu zituzten Dordokarendako. Argazkian, Aitor Rementeria Aritz Bikuñari batutako dirua ematen, Dordokako hainbat kiderekin batera.