Osintxu, hitzaldiak eta Kafekonpon saioa dira aste honetako agendako protagonista

Osintxun, Azaroa gaztañatan ekimenaren barruan, Mikel Garaizabalen eskutik ardo eta txakolin dastaketa izango dute Txuringo tabernan.

Ospakizunekin lotzen diren ardoaren eta txakolinaren sekretuak ezagutu nahi dituztenek 3 euro ordaindu beharko dituzte.

Eguaztenean bi hitzaldi

Jardunek gonbidatuta, Jon Arretxe idazleak 11 bidaia, 11 ipuin izeneko ikus-entzunezkoa aurkeztuko du eguaztenean, 19:00etan, Irizar jauregiko areto nagusian. Arretxek egindako bidaien errepasoa egingo du.

Paul Riosek, Lokarriko koordinatzaileak, 19:00etan, eguaztenean, osoko bilkuren aretoan, Bake prozesuaren egoera izenburuko berbaldia egingo du.

Kafekonpon saioa

Eguaztenean, berriz, Kafekonpon saioa egingo dute San Joxepe erretiratuen elkarteko lehen solairuan, 16:00etan. Bada, betiko moduan, aukera ezin hobea da elkarrekin kafetxo bat hartuz eta elkarrengandik ikasiz, jendeak etxean hondatuta dituen trasteak konpontzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.