'Azaroa gaztainatan' azaroaren 9an hasiko da Osintxun

Urtero bezala, aurten ere Azaroa gaztañatan gaztainen festa egingo dute Osintxun. Herri batzarrak antolatzen du ekintzez beteta dagoen festa hori. Gaztainak, sagardoa eta kultura nahasteko aitzakia aproposa bihurtu da.

Aurten, azaroaren 9an hasiko dira ekintzak, Poxpolo eta Konpainia pailazoen emanaldiarekin. Eguaztenean 19:30ean ardo eta txakolin dastatzea egingo da, 3 eurotan, Mikel Garaizabalen eskutik. Ekintzek zapatuan izango dute jarraipena, Txuringon, Maribel Salasen Monolokoak ikuskizunarekin. 17an, astelehena, Animen Eguna ospatuko dute. Gaztaina eta sagardo dastatzea egongo da plazan, 19:30ean, eta ondoren afaria izango da, 21:00etan. Azaroaren 23an, berriz, umeentzako tailerrak egongo dira plazan, 12:00etatik 14:00etara, Txatxilipurdiren eskutik, eta azkenik, azaroaren 30ean, erretiratuen bazkaria egongo da, 14:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.