Bergararrak izan ziren agertoki gainera igotzen lehenak. Ordubete inguru iraun zuen emanaldian zehar, ohikoak dituzten hardcore erritmo ertain eta azkarrak nahastu zituzten, argitaratu berri duten Barneko ahotsaren bila diskoko abestiak aurreko lanetakoekin tartekatuz. "Giro polita egon zen, jendea animatuta ikusi genuen" zioen atzo, kontzertuaren biharamunean, Fly Shiteko baxu-jotzaile Ikerrek.
Estricallaren hardcore erritmo azkarrek hartu zieten erreleboa bergararrei, eta hauek ere, emanaldi gogorrarekin, mugimenduan jarri zituzten entzuleak.
Txapa Irratikoak gustura geratu ziren jaialdiarekin, eta gogorarazi dute, atzoko kontzertuak irratiaren webgunean entzun ahal direla.
