Informazioa banatzeko eta dirua batzeko hiru mahai jarri zituzten herriko hiru lekutan. "Oso eskertuta gaude", esan du Maite Valle elkartearen bailarako arduradunak: "Laguntza eskatu eta bai, bai, nola ez erantzuten zuen jendeak", esan du.
Pozik daude, baita ere, bularreko minbiziarenganako sentsibilizazioa hedatzen ari delako: "Gazteak eta gizonezko asko ere hurreratu dira", esan du Vallek.
Estatistiken arabera, hamar emakumetik hiruk izango dute bularreko minbizia euren bizitzan zehar. Horregatik, minbiziaren prebentzioa eta tratamenduen hobetzean ikerketek duten garrantzia azpimarratu dituzte Katxalinetik. Atzo batutako dirua, hain zuzen, ikerketara bideratuko dute.
