Zineklubeko arduradunek aukeraketa zabala egin dute. Aste honetan, dokumental formatua duen Asier ETA Biok eskainiko dute, hurrengoan arima ukitzen duen Amaren eskuak filmaren txanda izango da. Film mostra Bypass komediaren emanaldiarekin bukatuko da. Sarrerak hiru euroren truke salduko dituzte.
Zuzendariekin solasaldiak
Filma ikusteaz gainera, eguazten honetan, eta hilaren 29an, eskainiko dituzten filmeen zuzendariak bertan egongo dira, eta filmaren ondoren, solasaldia egingo dute.
Aitor Merinok, arrebarekin egindako Asier ETA Biok filma aurkeztuko du. Duela bi urte ekoiztutako lanak kanpoan zeresan handia sortu, eta zuzendari nahiz aktore nafarrak, lan honen nondik norakoak azalduko ditu.
Hilaren 29an aldiz, Patxo Telleriak, Bypass komedia arinari buruzko xehetasunak azalduko ditu. Zoritxarrez, Mireia Gabilondo, herriko zuzendari eta aktoreak dituen konpromisoak medio, ezingo da Amaren eskuak filmaren emanaldi eta solasaldian egon.
Eguaztenetako hitzordu hauek, horren ahaztua dugun, euskal zinea ikusi eta hobeto ezagutzeko balioko dute.