Herriko lorategi historikoak ezagutzera emateko bisita gidatuak egingo dituzte asteburuan Bergaran

Eneko Azkarate 2014ko ira. 17a, 13:13
Errekalde jauregia, domekan bisitatuko dutenetako bat.

Bergarako Udalak bisita gidatu bereziak antolatu ditu herriko lorategi historikoen eskaintza zabala ezagutzera emateko. Horietako lehenak asteburuan egingo dituzte Europako ondare jardunaldiekin bat eginez. Ondorengoak turismo bulegoaren eskaintzan finkatuko dituzte. Bestalde, adimendun telefono eta tabletetarako aplikazio berezi bat sortu dute. Horren bitartez, nork bere kabuz egin daiteke bisita.

Astebururako iragarri dituzten bi bisitak honakoa dira, David Zapirain Bergarako turismo teknikariaren esanetan: "Errekaldetik aterako gara, goizeko 12:00etan. Olaso eta Mintegitik, Untzeta eta Espoloirantz joango gara. Buelta, bidegorritik; Laureaga eta Usondora. Handik, Errotaldera, Lizarreta eta Irizarrenetik pasatuz".

Bi bisita egingo ditiuzte, esandako moduan: bata zapatuan, euskaraz; bestea, domekan, gaztelaniaz. Biak ere 12:00etan, Errekaldetik irtenda eta doan.

Aplikazioa

Bestalde, Android-erako sortutako aplikazio baten bidez, nork norbere kabuz egin daiteke bisita. Aplikazio horretan lorategiak Bergarako beste ibilbide batzuekin gurutzatzen dira. CIC Tourgune ikerketarako elkargoak eta Kultour enpresak sortu duten aplikazioa da eta, oraingoz, Play Store-n dago eskuragai, Doan jaitsi daiteke.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak