Arrakastaz egin da bart Nagusien danborrada Bergaran, San Martin jaien barruan. Azkeneko urteotan ohitura den moduan, San Martin Agirreren gurutziltzaketaren eszenaratze ostean eta konpainien banderadunak udaletxean zirela eman zaio amaiera. Gaur, San Martin eguna, jaiak jarraituko du eta 18:30etik aurrera Umeen danborrada izango da.
[NAGUSIEN DANBORRADAKO ARGAZKIAK]
Aurtengo berrikuntza izan da 68 gazte berri atera direla danborradan; batzuk Artekaleko Pizzeriakuak izeneko konpainia berrian; beste batzuk, gazteen konpainian. Hori horrela, aurten, guztira, bederatzi konpainiak osatu dute danborrada: Artatse, Aritzeta, Barrikak, Danbor-joleak, Zuloa, Urdinak, San Joxepe, Gazteak eta Artekaleko Pizzeriakuak.
Umeen danborrada gaur, martitzena, San Martin eguna, izango da, 18:30ean, ohi bezala.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.