Agorrosin itxita datorren aste osoan, kanpoko igerilekua salbu, garbiketengatik

Irailaren 8tik 14era itxita egongo da Agorrosingo kirol-gunea garbiketa orokorra egingo dutelako. Taberna ere itxita egongo da; soilik, harrerako gunea egongo da zabalik, informazioa eman eta izenemateak egiteko.

Kanpoko igerilekua eta, kontsulta eta izenemateetarako, harrera egongo dira bakarrik zabalik datorren astelehenetik domekara bitartean Agorrosinen. Hain zuzen, domeka, hilak 14, izango da kanpoko igerilekuak zabalik egongo diren azken eguna.

Jardueretarako izenematea zabalik

Halaber, zabalik dago ikasturte berrirako jardueretan izena emateko epea. Jardueren zerrenda eta ordutegiak kirol-gunearen orrian kontsulta daitezke eta hilaren 10ean egingo da zozketa.

Sustapen aste bat ere egongo da, irailaren 17tik 23ra, jarduerak probatu ahal izateko eta irailaren 24ean hasiko dira gimnasioko eta igeritokiko ikastaroak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.