Ilustrazioa berriro ere Errekalde jauregira

Imanol Gallego 2014ko abu. 21a, 16:00
Errekalden antzeztuko duten 'El carnaval del conde' sainetea.

Egubakoitzean (20:00) Donostiako Musika Hamabostaldiak antolatuta 'El carnaval del conde' Peñafloridako kondeak idatzitako sainete lirikoa antzeztuko da. Doan izango den emanaldiak Errekalde jauregia eta lorategia ezagutzeko aukera emateaz gain, kondearen izaera ezagutzeko aukera ere emango du.

El carnaval del conde Peñafloridako kondeak idatzitako sainete liriko ezagunenetako bat da. Konde ilustratuak, gainera, ez zuen bakarrik idatzi obra, eta antzezlaneko testuak bere lagun ziren Samaniego egile ezagunarenak eta Iriarterenak dira. Adituek diotenez, "Barroko garaiko obra ederrenetakoa da".

Sainetearen sortzaileak diren hiru ilustratuek, gainera, benetako testuinguru batean oinarritzen den istorio horretan papertxo bat ere badute. 1773an, Xabier Maria de Munibe kondearen jauregian maskara festa bat antolatu dute. Kondearen ezusterako, festako gonbidatuek, musikari eta familiakoen laguntzarekin, broma bat egingo diote; une horretan hasiko da benetako obra.

Mozorrotuta dauden pertsonaiek beste pertsona batzuen itxura hartuko dute: dendari euskaldun bat, sasiletratu bat, Madrilgo erromes bat, Italiako apaiz bat... Pertsonaia horien artean, kondearen alabaren dantzek ere girotuko dute ezustez eta umorez betetako maskara festa berezi hori. Ia 250 urte dituen obrak ikusleen barreak eragingo ditu, eta obra sortu eta kokatzen den jauregian hura ikusteko aukera luxu hutsa da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak