Bluesa, jazza eta rock and roll doinuek itxi dute Berumuga zikloa

Musika beltza Bergarara gerturatzea asmoa duen Berumuga zirkuituak herritarren agendan toki bat egitea lortu duela, eta uda izan arren, jendeak ez duela kale egiten.

Emanaldiek herriko zenbait plaza eta kale eskenatoki ezberdin bihurtzeaz gain, zirkuituak duen arrakastaren sekretua kalitatea da. Uztail eta abuztuan zehar, musika beltza jorratzen duten talde garrantzitsuak gerturatu dira Bergara eta antolatzaile nahiz udala pozik dago zikloak izan duen erantzunarekin, "jendeak oso ongi erantzun du, ikusten da egonkortu egin den ekimen bat dela", azaldu du Leire Iruin, kultura zinegotziak.

Hurrengo Berumuga urrun dagoen arren, antolatzaileek musika zirkuitu honekin jarraitzeko asmoa dute. Los Gatos Bizcos taldeak itxi zuen aurtengo Berumuga, eta madrildarren rock and rollak jende ugari batu zuen seminarioko jolaslekuan. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.