Ikusmin handia piztu zuen Bergarako Ipintzan jokatu zen futbol txapelketak eta jende asko gerturatu zen hiru mailetako finalak ikustera. Txapelketan azken urteetan baino talde gehiagok eman du izena aurten, eta antolatzaileak pozik agertu dira bai parte hartzearekin, baita taldeen mailarekin ere. [ARGAZKIAK]
Zortziko futbolean, beteranoetan, Uda Akabauak taldekoek irabazi zieten Osintxukoei (1-3). Nesken mailan, berriz, Matadas Team izan zen garaile Godofredo taldekoekin izandako norgehiagokan (6-1).
Hamaikako futbolekoa izan zen ikusle gehien erakarri zituen finala, eta bertan, Ez Dakiu taldekoek hiru eta huts irabazi zieten Poteo Izarrei. Jokin Balzategi izan zen partiduko izarra, markagailuko hiru golak berak sartu baitzituen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.