Taldeak berezkoa duen euskal ukitua duen AEBetako musika beltza ekarriko du gaur (22:00) Berumuga ziklora.
Ibilbide luzeko taldea
Eskarmentu handiko taldea da Travellin' Brothers, eta taldekideek batez beste 35 urte baino ez duten arren, 600 emanalditik gora egin dituzte. Otsailean seigarren diskoa aurkeztu zuten.
Zuzeneko emanaldi bizi eta ikusgarria eskaintzen duten blues alorreko musikariak dira, kalitate eta baikortasunez beteriko taldea, alegia. Espoloira gerturatzen direnek zaila izango dute euren jarlekuetatik ez altxatzea, taldearen doinuak bizitzaren eta musikaren ospakizun hutsak dira-eta.
Izenak berak dioen moduan, talde familiarra da, eta esan gabe doa bidaiaria aldakorra ere badela. Horrek guztiak aukera eman dio Espainiako jaialdi, klub eta areto handi guztietan jotzeko, baita Europako herrialde askotan (Frantzia, Italia, Suitza, Alemania, Portugal...) bira eta itzuli arrakastatsuak egiteko. Inoiz alderik alde igaro du ozeanoa AEBetan ere jotzeko.
Bizitzaren eta musikaren ospakizunak dira talde horren zuzeneko kontzertuak!