Musika eskolako diplomadun berriak

Bergarako musika eskolakoak kontzertua egiten, Mariaren Lagundia ikastetxearen elizan.

Bergarako musika eskolako ikasle diplomadunek ikasturte amaierako kontzertua egin dute, Mariaren Lagundia ikastetxearen elizan. 24 gaztek erakutsi dituzte horrenbeste urtetan landutako dohainak: bigarren mailako 20 ikaslek eta hirugarren mailako lauk. Kontzertua jo ondoren, irakasleek diplomak banatu dizkiete musikari gazteei, eta jarraian haiek zein haien gurasoek, lunch batekin agurtu dute ikasturtea.

Bigarren mailako diploma lortzeko, honako gaiak landu dituzte musika-ikasleek: hizkuntza musikala lantzeko bost ikasturte, sei ikasturte norberak aukeratutako instrumentua lantzeko, eta beste bi koralarekin lotutako gaiak ikasten.

Hirugarren mailakoa lortzeko berriz, lehen esandako guztia gehi instrumentua ikasten, zazpi edo zortzi urte eman behar izan dituzte; hizkuntza musikala lantzen 6. mailara arten, harmonia lantzeko bi ikasturte izan dituzte eta beste urtebetez landu dute ganbera musika.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.