Herri bazkari batean gutxienekoa menua da, baina aurtengoak ia guztiak ase ditu, "oso ona zegoen", zioen batek baino gehiagok, beroari aurre egiteko eroan dituzten eguzkitakoen azpian. Musikak girotuta lagun taldeek mahaiak bete eta umore onarekin bazkaldu dute.
'Euria' egin du
Egiten zuen beroa apur bat arintzeko gainera, udaletxeko balkoitik pare bat zinegotzik mangera bat atera eta urez busti dituzte plazan zeudenak. Gehienak gainera, haserretu ordez, gogoz hartu dute euri freskagarri hori.
Festarekin bat egiteko asmoarekin, asko izan dira herriko tabernetan ogitartekoak erosi eta herri bazkariarekin bat egin dutenak.
Bazkaldu ostean, zezen plazara joan aurretik, dantzaldia ere egin dute.