19:30etan jokatuko dira Bergara Hiria txapelketako bigarren finalerdiak Bergarako frontoian. Promesetan, Espinalek eta Sarasak jokatuko dute Arteagaren eta Erasunen kontra; seniorretan, berriz, Santxo eta Urrusolak Altunaren eta Irustaren kontra egingo dute.
Joan den martitzenean jokatu zituzten, Bergarako frontoian, Bergara Hiria txapelketako lehen finalerdiak. Horietan, promesetan, Errandonea eta Martinez gailendu zitzaizkien Etxeberria eta Urizarri: 22-19 bukatu zuten partidua. Seniorretan, berriz, Arrietak eta Gorrotxategik osatutako bikoteak Azpiri eta Diez hartu zituen mendean. 22-18 bukatu zuten partidua.
Finalaurrekoetan irabazita, Errandonea eta Martinez eta Arrieta eta Gorrotxategi ekainaren 9an Pentekoste jaietako astelehenean jokatuko den Bergara Hiria txapelketako finalean izango dira.
