Bertako komertzioak eta merkataritza biziberritzeko helburua duen Bergara Bizi egitasmoaren baitan Udaberri Eguna egiten dihardute gaur Bergarako Bolua auzoan. Umeendako tailerrak eta jolasak antolatu dituzte eta Bergarako hainbat artistek euren lanak erakusgai ipini dituzte. Pintxo dastaketa ere egin dute.
Eguraldiak laguntzen ez badu ere, inoiz baino biziago dago gaur Bergarako Bolua auzoa: Erakusketak, pintxo dastaketak, zumba eta aretoko dantzak... Dena da ongi etorria bertako merkatarita herriratu eta biziberritu gura bada.
Bergara Bizi egitasmoak antolatu duen tankera horretako lehenengo festa da hau: "Ikusten genuen auzoetan ere askotariko ekimenak antolatzeko aukera badagoela eta horregatik hasi gara merkataritza biziberritzeko ekintzak auzoetan ere egiten", dio antolatzaile lanetan aritu den Txamonix tabernako Denis Armendarizek. Eta gaineratu du: "Etorriko dira gehiago ere. Hurrengoa Labegaraietan egin daiteke, esaterako".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
