Giza eskubideen, konponbidearen eta bakearen aldeko besarkada

Imanol Beloki 2014ko mai. 30a, 20:25

Giza eskubideen, konponbidearen eta bakearen aldeko besarkada.

Euskal preso eta iheslarien giza eskubideen defentsaren aldeko besarkada egin dute gaur Bergarako Munibe plazan. 19:00etan herritarrak batu eta bi multzotan banatu dira, ondoren denak zirkulu baten barruan batzeko eta giza eskubideen, konponbidearen eta bakearen alde denak besarkatzeko.

Giza eskubideak, konponbidea eta bakea lelopean arlo ezberdinetako herritarrak batu dira mugimendu honen lehen ekintza egiteko. Alaitasunez eta irribarrez besarkatu dira bertaratu direnak harreman berri eta estuak lortzeko. Arantzazu Egiguren antolatzailearen esanetan: "Oso pozik nago, jendeak gogoekin hartu du eta espero baino jende gehiago hurbildu da. Martxoaren 15ean San Telmo museoan egindako adierazpenen ondoren testigoa hartu dugu eta herrira zabaltzeko, hau izan da gure lehen ekimena."

Bergara