Ikasleen hainbat proposamen aurkeztu zituzten udalbatzarrean. Kontsumoari dagokionez, garaiko produktuak bultzatzea proposatu dute, baita kontsumo taldeei eta produktu ekologikoak saltzen dituztenei erraztasunak jartzea ere. Horrez gain, sasoiko produktuak bultzatu, baratza publikoak sortu, inguruko baserrietako produkzio ekologikoa bultzatu etab. Alergia eta beharrizan bereziak dituzten pertsonak ere gogoan izan dituzte, eta azokan horientzat egokiak diren produktuak saltzeko eskaria egin dute.
Birziklapena sustatzeko kanpaina bat bultzatu nahi dute, azokan plastikorik ez emateko eta bakoitzak bere poltsak eraman ditzan. Gainera, poltsa berrerabilgarriak eskuragarri izatea proposatu dute.