Arratsaldeko zazpietan hasiko dute bilera udaletxeko pleno aretoan. Irekia denez, Udaleko ordezkariez eta kultur eragileetako kideez gain, Kultura kalera egunean interesa duen edozein herritarrek parte hartu ahalko du batzar honetan. Eguna zehaztua ez dagoen arren, aurten ere, irailean irtengo da kultura kalera.
Egunaren helburuak
Kultura kalera egunak, herriko kultura eta ondarea uztartu nahi ditu. Hori dela eta, herriko kultur eragileek euren abileziak erakusteko aukera ezin hobea izango da aurtengo Kultura kalera eguna ere.
Pasa den urtean, irailak 21ean, Kultura kalean egitasmoaren barruan, Bergarako kulturgintzako hainbat artistek, dantza ikustaldiak, musika emanaldiak, tailerrak edota arte erakusketak egin zituzten herriko erdigunean zehar.