Formatu handiko lanetan paisaiak dira nagusi, baina bukolikoak beharrean, gordinak dira. Horiek egiteko, gainera, egunkarietako irudietan oinarritzen da Pena.
Margoa antzezlan
Penak bere margoak oso modu berezian jorratzen ditu. "Artelana antzezlan bat izango balitz bezala planteatzen dut: agertokia samingarria izaten da; pertsonaiak, berriz, baztertutako animaliak", azaldu du margolariak.
Bere lan batzuetan, Gericault, Beckett eta halako artisten lanen eragina nabari da.