Zuzendaritza taldea hamar pertsonek osatzen dute. Iñaki Zabala da elkarteko lehendakaria, Jose Mari Larrañaga lehendakari-ordea, Beatriz Larrañaga idazkaria, eta Jesus Elorza da diruzaina. Sei dira bokalak: Benjamin Lazkano, Antolin Marchena, Mª Jesus Moñux, eta hiru taldekide berriak, Rosa Ibarguren, Mª Asun Gardoki eta Iñaki Arrieta.
Urtero egiten dute aldaketa zuzendaritzan San Joxepe elkartekoek. Hiru pertsona joan ohi dira, eta beste hiru etorri. San Joxepeko lehendakaria den Iñaki Zabalak dioenez, "zuzendaritza berriak eta urte berriak beti dakar aldaketa bat". Ideia berriak agertzen diren arren, aurrekoek egindako lana ezin dela alde batera utzi dio Zabalak: "errespetatu egin behar da aurrekoek egindako lana, ezin dugu sudur puntan jartzen zaiguna egin".