Ekainaren 8rako hilabete eskas geratzen da eta gaur eguerdian Bergarako Sortu, EAJ, Aralar eta EA alderdietako ordezkariak elkartu dira herritarrei hori gogorarazi eta parte hartzera gonbidatzeko.
Gure Esku Dago dinamikak elkartu ditu gaur Sortu, EAJ, Aralar eta EA alderdietako ordezkariak, tartean Agurne Barruso, Juan Luis Bikuña, Arrate Bengoa eta Lauri Askargorta.
"Nazioa garela" eta "erabakitzeko eskubidea dugula" esan gura izan dute elkartutakoek, eta herritarron eskuetan dagoela hori lortzea gogorarazi. Hala, oraindik metro batzuk geratzen direla esan dute eta bergararrak anima daitezela horiek erosi eta ekainaren 8an, jaietan izan arren, giza katean parte hartzera.
