Pentekoste jaietako kartela boto bidez aukera daiteke 'Bergara.net' webgunean

Bergarako jai luzeenak ate joka dira eta Udalak, lehiaketa deitu eta gero, Pentekosteak iragarriko dituen kartel guztiak batu eta herritarren botoekin aukeratu nahi du onena.

"Hasieratik herritarrak jaietan inplikatu eta prestaketetan ere parte hartzeko modu bat da", azaldu du Maider Osak, Kultura teknikariak.

Aurtengoa uzta oparoa izan da. Guztira, askotariko teknika eta sormen ugaridun hamasei lan batu dituzte.  

Non bota daiteke?

Kartel guztiak bergara.net webgunean daude, eta webgunean bertan eman daiteke botoa. Hain zuzen, irabazleak 400 euroko saria eskuratuko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.