Igeriketa txapelketa zapatuan Agorrosinen

Kirol Zehaztasuneko Ligaren 5. jardunaldia jokatuko da zapatuan Gipuzkoako lau igerilekutan, eta Bergarako Agorrosin izango da horietako bat.

Debagoieneko eta inguruko alebin eta benjamin mailetako neska-mutikoak ariko dira lehian, 2002 eta 2005 urteen artean jaiotakoak, hain zuzen ere. 16:00etatik aurrera, ohiko estiloetan jardungo dira igerilariak, 200 bat lagun, guztira.

Eskualdeko klubei dagokienez, Aloña Mendi, Arizmendi eta Bergara Igeri Elkartekoak arituko dira. Horiekin batera, Urbat (Eibar), Izarraitz (Azpeitia), Zubiaurre (Azkoitia), Elgoibar Igeriketa Taldea eta Legazpi Igeri Elkartea ere bai.

Igerilekuak, arratsaldez, itxita

Igeriketa txapelketa dela-eta, Agorrosingo bainu eremua itxita egongo da zapatu arratsaldean. Goizez soilik egongo da zabalik.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.