Guneak etenik gabeko ordutegia duen arren, bertako dinamizatzaile Ane Untzurruntzaga ez da ordutegi osoan bertan egongo. "Hil honetan 09:00etatik 13:00etara egongo naiz, eta hurrengoan 16:00etatik itxiera ordura arte", aipatu du Ane Untzurruntzagak.
Dinamizatzailea bertan egongo ez den arren, zortzi ordenagailuak martxan egongo dira egun osoan, eta inprimagailua dinamizatzailea dagoen orduetan soilik egongo da martxan.
Orain arte bezala, gunea erabiltzeko 16 urte izatea eta formulario bat betetzea ezinbestekoa da. Jendea itxaroten badago, gehienez 45 minutu nabigatzeko aukera egongo da.
Hil honetako ikastaroak
Hil honetan, oinarrizko Internet, Minube, Impress, Kizoa, Youtube eta Gmail ikastaroak emango dira. Minube eta Kizoa ikastaroak euskaraz izango dira; gainontzekoak, gaztelaniaz. Izen-ematea 943 02 36 26 telefonoan edo tutor.bergara@kzgunea.net helbidean egin daiteke.
