Belarra mozten eta lorategiak atontzen jarduten duten langileen kasua da hori. Eta horrekin batera, beste egoera batzuk ere zerrendatu ditu Udalak: gurpildun aulkiekin dabiltzan pertsonek zapaldu eta eskuak zikintzea, edota kaletik oinez doazenentzako zikintasuna eta traba.
Ildo horretatik, gogora ekarri du debekatuta dagoela txakurrak lorategietan sartzea, izan ere, "herritar guztiona den ondareari kalte nabarmenak egiten dizkiote, bai gorotzekin zikinduta, bai berdeguneak hondatuta zein loreak eta zuhaixkak apurtuta".
Sei txakur-txoko
Kalteok ekiditeko eta behar ezberdinak dituzten herritarren arteko elkarbizitza errazteko, sei txakur-txoko daude Bergaran –2009an egindakoak–, animaliek erabili ahal izateko.
Txakur-jabeei txakur-txokoak erabiltzeko, eta euren animalien gorotzak jasotzeko eta dagokien tokian botatzeko eskatu die Udalak, araudiak zehazten duenari jarraiki.
