Jendea, helburua, proba... Iglesiasen ustez, guztia primerakoa izan da. "Proba honi buruzko Whatsapp talde bat sortu genuen, eta jendearen mezuekin bateria ez agortzeko, lasterketan eroan beharreko telefonoak itzali egin behar izan genituen", argitu du Iglesiasek. "Bai Gironan bai Bergaran oso babestuak sentitu gara".
Helburu bikoitza
Lasterketa bat baino gehiago festa solidario bat den proba horrek helburu handi bat dauka. "Izena emateko, Intermon Oxfamen alde 1.500 euro batu behar dira; guk 4.576 bildu genituen", azaldu du Iglesiasek. 100 kilometroak 17 orduan egiteko helburua ere bete zuten.
Korrikalariak argi dauka: "Oraindik data zehatzik jarri ez dugun arren, hurrengo edizioren batean ostera parte hartzeko asmoa dugu".