"Azken egun hauetako salaketen aurrean tinko eutsiko diogu, ez baitaukate inongo zilegitasunik isunak jartzeko. Beldurra sartzea besterik ez dute nahi, baina horrela ez dute ezer lortuko, hezkuntza eta kontzientziazioa dira bide bakarrak herritarren parte hartzea lortzeko". Halaxe dio Bergara Garbia plataformatik bidalitako oharrak.
Bergara Garbia Herri plataformatik gogorarazi nahi dute lanean jarraitzen dutela eta jarraituko dutela, eta ez dutela "Bildu-Aralarren inposaketarik onartuko". Bestalde, "edukiontzien bidezko bilketa selektiboaren alde" daudela ere badiote, eta baietz esaten diote 5. edukiontziari.
Horrekin guztiarekin, "behar den moduan banatuta eta egunak errespetatuz lurrean gure poltsak uzten" jarraituko dute; "ez ditugu kubotxoak nahi.", diote.