Lehiaketan edozein pertsonak har dezake parte. Kartelek 24 x 34 zentimetroko neurria izan beharko dute, eta formatu bertikala. Kartelak paperean inprimatuta eta kartoizko oinarri baten gainean aurkeztuko dira. Era berean, kartelaren kopia digitala CD batean ere aurkeztu beharko da. Kartelak gainera, 'Pentekoste jaiak 2014 Bergara', esaldia eroan beharko du. Lehiaketako irabazleak 400 euro balio duten bonoak eskuratuko ditu, Bergarako komertzio-guneetan trukatzeko.
Atzealdean lelo bat dutela aurkeztuko dira kartelak. Gutun azal itxi batean leloa kanpoan eta egilearen datuak barruan jarriko dira. Interesa dutenek argibide guztiak www.bergara.net webgunean aurkituko dituzte.