Igam taldea prest dago Gironako lasterketarako

Gironako lasterketara joango diren lau korrikalariak: Gorka Manso, Juantxo Aranes, Txus Iglesias eta Ion Ander Garitano.
Igam taldeko Juantxo Aranes, Txus Iglesias eta Ion Ander Garitano bergararrek eta Gorka Manso antzuolarrak hartuko dute parte Intermon Oxfam Gobernuz Kanpoko Erakundearen Trailwalker lasterketan. Korrikaldia apirilaren 26an egingo da eta 100 kilometroko luzera izango du.

Alberto Samaniego eta Aitor Garitano laguntzaile moduan egingo dute lasterketan zehar. Hala ere, orain arte laguntza asko jaso dutela diote taldeko kideek. Eskerrak eman nahi izan dizkie laguntza eskaini dieten komertzio eta pertsonei: Astore, Jabier Erostarbe, Zumelaga jatetxea, Athlon, Lamaño Etxeberri, Ternua, Depor taberna, Larrañaga autoeskola eta Garbil inprimategia.

Intermonek pobreziari aurre egiteko 400 egitasmo ditu munduko 40 herrialdetan, eta horietara bideratuko diren 1.500 euro batu behar zituzten lauko talde bakoitzak parte hartu ahal izateko. Igam taldeak 4.576 euro lortu dituzte kamisetak eta boletoak salduz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.