Larunbatekoa liburuaren 3. edizioa izango da, eta aurreko bietan bezala, auzolanean muntatuko dute liburua. Durangoko XIV. azoka alternatiboan izandako arrakastaren ondorioz, 200 ale inguru aterako dituzte aurten.
Hitzordua martxoaren 29an izango da eta muntaian lagundu nahi duen edozeinentzat egongo dira zabalik Gaztetxeko ateak. Liburua muntatzen laguntzeko bi txanda egongo dira: bata 11:30etik 13:30era, eta bestea, 17:00etatik 19:00etara. Muntaketaren ondoren, lagundu duten guztiontzat luntxa egongo da.
Liburuaren 3. edizioa apirilaren erdialderako kalean egotea aurreikusten dute antolatzaileek, urtero bezala, 4 euroren truke.
