Euskal Herriko eta Debagoieneko beste hainbat herritan bezala, erabakitze eskubidearen aldeko sinadura bilketa egin zuten zapatuan Bergaran. Aldarrikapenean sinatzaileek bat egin zuten honako puntu hauekin: herri bat gara; gure etorkizuna libre eta demokratikoki erabakitzeko eskubidea dugu; eta Euskal Herritarroi dagokigu erabaki hori hartzea.
Bergarako Udaleko osoko bilkuren aretoan egin zen Bergako Gure esku dagoren adierazpenaren sinadura ekitaldia eta jendetza batu zen bertan. Sinadurak batu dituzte eta amaieran talde argazkia atera. Dani Oiarbide, nazio mailako Gure Esku Dagoko kidea, ere bertan izan zen eta egitasmo honen jatorriaren inguruko argibideak ere eman zikien bertan batutakoei. Ekitaldiaren ostean talde argazkia ere atera zuten. Antolatzaileak oso pozik azaldu ziren amaieran: "150 atxikimendu inguru batu ditugu. Gainera, jende oso ezberdina etorri da eta pozik gaude".
