Gure Esku Dago

150 atxikimendu jaso ditu Bergarako Gure Esku Dagoren adierazpenak

Gaur goizean egin dute ekitaldia Bergarako Udaleko osoko bilkuren aretoan eta jendetza batu da. Aretoa txiki gelditu da. Sinadurak batu dituzte eta amaieran talde argazkia atera. Dani Oiarbide, nazio mailako Gure Esku Dagoko kidea, ere bertan izan da eta egitasmo honen jatorriaren inguruko argibideak ere eman dizkie bertan batutakoei. Antolatzaileak oso pozik azaldu dira amaieran: "150 atxikimendu inguru batu ditugu. Gainera, jende oso ezberdina etorri da eta pozik gaude".

Euskal Herriko eta Debagoieneko beste hainbat herritan bezala, erabakitze eskubidearen aldeko sinadura bilketa egin dute gaur Bergaran. Aldarrikapenean sinatzaileek bat egin dute honako puntu hauekin: herri bat gara; gure etorkizuna libre eta demokratikoki erabakitzeko eskubidea dugu; eta Euskal Herritarroi dagokigu erabaki hori hartzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.