Ibilbide horretan, gainera, entzuleak beti ondoan izan dituztela azpimarratu du Altzolak.
Azken urteotan, gainera, aretoak alde batera utzi eta musika kalera atera dute. “Beste formatu bateko emanaldiak dira, musika kaletarragoa eskaintzen diogu entzuleari, arinagoa”, aipatu du lehendakariak. Hori guztia, gainera, abesbatzaren ohiko kalitateari eta herritartasunari hutsik egin gabe. Zapatukoa horren erakusle izango da: “19:00etan plazan elkartu eta afalordua arte kaleak girotzen saiatuko gara”.
Etorkizunari begira
Egun duten erronka nagusia egindako bideari eustea da. Lehendakariak azaldu moduan, honaino iritsi badira euren lanari esker izan da eta etorkizuna ere bide beretik dator. Egun, astelehenetan eta eguaztenetan entseatzen dute, eta kuriositatea duten horiek 21:00etan Mizpirualdeko egoitzako elizara gerturatu besterik ez dute.
